شنو القصد من هالكلام

السكن:

.السكن هو قصر صغير للملك يعيش فيه حين يقوم بزيارة القرية. الإقامة تحمي القرية من غزو قوات العدو . ولا يمكن الجمع بينه السكن والقصر فيرجى اختيار أحدهما

هذا كلام الشرح باللعبه
وانا عندي الاثنين بالقريه القصر وهو (قصر الابطال) والإقامه او (سكن الملك)
الالفضل اهدم واحد منهم ولا كيف؟
ارجوا التوضيح والله دخت مع هاللعبه

قصر الابطال .. غير عن القصر

قصر الابطال من خلاله يمكنك تكوين البطل

والقصر .. لتكوين المستوطنين


فمش لازم تهدم شيء


اذا ما فهمت راح اوضح اكثر

لالا لا تهدم شي

السكن اللي هوا اللي تقدر تطلع منه المستوطنين
و في نوعين من القصور بس تقدر تبنيهم في قرية وحدة
القصر وهو زي السكن يعني تقدر تطلع منه مستوطنين
و قصر الأبطال و منه تقدر تطلع بطل و في المستوى 10 تقدر تستولي على الواحات اللي قريبة منك
ـــــ
و الفرق بين السكن و (القصر) هو انو السكن أرخص من ال(القصر) .. بس حماية القصر أقوى من حماية السكن.

كلام جميل
مشكورين
عندي قصر وطلعت بطل (خلصنا منها )
عندي اقامه وطلعت مستوطنين (خلصنا منها)

ليش مكتوبه هالجمله
ولا يمكن الجمع بينه السكن والقصر فيرجى اختيار أحدهما ؟؟

يعني لو بنيت القصر ما تقدر السكن في قرية واحدة و العكس

بس القصر ما تقدر تبنيه إلا في قرية واحدة .. أما السكن تقدر تبنيه في أي قرية إلا اللي فيه القصر.

شف انت عندك نوعين من التوسع ...

1- تتوسع بالاستيلاء على الواحات المتروكه او الاوديه .. والي تستفيد منها بزيادة الانتاج في احد الموارد سواء خشب او طين او حديد او قمح .. مثل الي انت استوليت عليها ... وهذي تكون عن طريق البطل الي تدربه من قصر الابطال ..


2- تتوسع ببناء قريه جديده مثل قريتك الاول .. يعني فيها مباني وحقول .. ولكن يمكن يكون تقسيم الحقول مختلف .. يعني احيانا ينقصون حقل من الحديد ويزيدون بداله حقل خشب ( انت قريتك الحين عندك 4 خشب - 4 طين - 4 حديد - 6 قمح ) القريه الجديده ممكن تكون نفس القديمه او مختلفه يعني ممكن تكون ( 5 خشب - 3 طين - 4 حديد - 6 قمح ) او اي تقسيمه اخرى .. وبتحصل حولك قرى فارغع كثيره وتقسيماتها مختلفه وانت تختار المناسب لك ......... هذي القريه عشان تستولي عليها تحتاج تدرب ثلاث مستوطنين .... والمستوطنين تنتجهم من نوعين من المباني ... اما السكن ( الاقامه ) ... او القصر ... واذا اخترت واحد منها لازم تطوره حتى المستوى العاشر وتنتج منه ثلاث مستوطنين وتحتل بهم قريه جديده ... ولو حبيت قريه ثالثه لازم توصل القصر او السكن للمستوى 20 ... وهكذا كل قريه جديده تحتاج الى تطوير المبنى 10 مستويات ..



المهم في الموضوع انك تفرق بين قصر الابطال .. وبين القصر
قصر الابطال لتدريب البطل
القصر لتدريب المستوطنين ... او ممكن تختار السكن


لتدريب المستوطنين اتفقان انك تحتاج الى قصر او سكن .. وهم الي تقدر تدرب فيهم المستوطن يعني عملهم واحد

لكنهم يختلفون في بعض النقاط ... لنفرض ان عندك ثلاث قرى :
القريه الي تبني فيها القصر تكون هي عاصمة دولتك .. يعني اذا بنيت القصر في اي وحده ما تقدر تبنيه في اي قريه ثانيه ... لانه صعب يكون للدوله عاصمتين

اذا باقي القرى تبني فيها السكن ( الاقامه ) الي يتخدمه الملك اذا زار القرى التابعه لدولته ... يعني لو حب يتفقد احوال الرعيه في ارجاء الدوله يحتاج لمحل يقيم فيه .. ولا تبيه يجلس على الرصيف


طبعا انت الحين تقول اختار السكن او القصر .. لانهم كلهم في النهايه بينتجون مستوطنين ..

ابعطيك مميزات وعيوب كل واحد فيها :
1- السكن رخيص في التطوير ... ولكنه لا يحمي القريه من ان يستولي عليها احد .. طيب من الي يقدر يستولي على القريه ... الي يقدر يستولي على القريه ... هو الشخص الي يملك .. نوع من القوات يختلف اسمه من قبيله الى قبيله ( في الرومان يسمونه الحكيم - الجرمان يسمونه الزعيم - الاغريق يسمونه الرئيس ) وهو الي يستطيع احتلال قريه مبنيه ... ولكن عشان تملك مثل هذي النوعيه من القوات تحتاج الى موارد كبيره جدا .. فتدريب مثل هذه القوات يحتاج ( 30750 خشب - 27200 طين - 45000 حديد - 37500 قمح ) يعني مكلف جدا ولا اعتقد ان احد قريب منا وصل الى هذه القوة في الانتاج .. ........ ولكن هناك حاله واحده لا يستطيع احد الاستيلاء على القريه الي فيها سكن ... وهي اذا كنت لا تملك سوى قريه واحده فقط .. فلو كان فيها سكن لا يستطيع احد ان يستولي عليها الا اذا فتحت قريه جديده فتكون مهدده بالاستيلاء ..

2- القصر وهو مكلف في التطوير .. لكن القريه الي فيها القصر تسمى عاصمه ولا يمكن الاستيلاء عليها ..


ملاحظه اخيره :
لو كان عندك ثلاث قرى مثلا
القريه رقم 1 تبني فيها قصر وتصير هي العاصمه
القريه رقم 2 تبني فيها سكن
القريه رقم 3 تبني فيها سكن

يعني القصر لايمكن ان يبنى الا في قريه واحده لتكون هي العاصمه
اما السكن فتقدر تبنيه في اكثر من قريه

ولا تستطيع ان تبني في القريه الواحده سكن وقصر


طولت عليك .. بس عسى وضحت الصوره لك ..

شكرا للتوضيح كفيتوا ووفيتوا

سؤال اخير يا شباب

اقدر ابني في كل قريه جديده قصر ابطال؟
وارفع مستوى قصر الابطال الى 15 لاحتلال واحه جديده

يعني مثلا عندي قريه جديده اقدر ابني فيها قصر ابطال عشان اطلع منها بطل جديد لاحتلال واحه جديده
وشكرا لكم

نعم

بس عاد لا تخلص الواحات الي حولنا .. خل لنا شوي ~_^

هههههه شكرا اخوي M98

تابع للموضوع
لا تستطيع ان تنتج غير بطل واحد لو عندك 100 قريه
للتنبيه فقط

لا طبعا اخي

تستطيع في كل قرية استخراج ابطال وليس بطل واحد فقط

وهو تبني قصر الابطال وتبني بطل
ولما توصل قصر الابطال المستوى 15
تقدر تستخرج بطل ثاني
والمستوى 20 بطل ثالث

والله هذا كلام الاخ امير زمانه والشرح موجود بالمنتدى
عموما شكرا لك يالفارس

الفارس2007 كتب:

لا طبعا اخي

تستطيع في كل قرية استخراج ابطال وليس بطل واحد فقط

وهو تبني قصر الابطال وتبني بطل
ولما توصل قصر الابطال المستوى 15
تقدر تستخرج بطل ثاني
والمستوى 20 بطل ثالث

اخوي الفارس انت عندك خلط بين قدرة البطل على احتلال الواحات او تدريب الابطال


لا تستطيع احتلال اي واحة الا من بعد المستوى العاشر
في المستوى العاشر تستطيع احتلال اول واحة
تريد واحة ثانية ارفع مستوى قصلا الابطال الى 15
هههههه ما زلت تريد واحه ثالثه اذا ارفع مستوى قصر الابطال الى 20 ... وهكذا كل 5 مستويات تتيح للبطل من احتلال واحه

اما عدد الابطال فهم واحد فقط ولا تستطيع تدريب غيره ... حتى لو كنت تملك اكثر من قرية وكل قرية فيها قصر ابطال ... كل لاعب له بط واحد فقط ... واذا كنت تملك اكثر من قرية فعند ارسال البطل الى احد القرى الي تملكها يصبح ملك للقرية الجديده وكانه تدرب فيها .. واذا اردت اعادتة للقري الاساسية او ارساله قرية اخر فايضا بنفس الطريقة ترسله كتعزيز للقريه الجديدة .. وهكذا كل ما ترسله لقرية تابعة لك يصبح وكانه تدرب فيها ويتاح لك الهجوم به من القرية الي يتواحد فيها ... بعكس باقي القوات الي ما تقدر تهاجم بهم من القرية الي ترسلهم تعزيز لها ...!!!

وفي فيايدة من القصروهي:
بأن القرية إلي فيها قصر يكون بإمكانك رفع مستوى المباني والحقول إلى(25)
أما بالنسبة للسكن فمايمديك ترفع غير إلى (10) مستويات فقط

و شكراً

كلام خاطيء اخوي d33311
عندي سكن بالعاصمه وحقولي مستوى 12
بس المشكله في باقي القرى اخر مستوى اهو العاشر

d33311 كتب:

وفي فيايدة من القصروهي:
بأن القرية إلي فيها قصر يكون بإمكانك رفع مستوى المباني والحقول إلى(25)
أما بالنسبة للسكن فمايمديك ترفع غير إلى (10) مستويات فقط

و شكراً

أن القرية إلي فيها قصر يكون بإمكانك رفع مستوى المباني والحقول إلى(20)